Përkeqësohet gjendja e gazetares kineze, u fut në burg pasi tregoi realitetin në Wuhan

Zhang Zhan gazetarja që tergoi realitetin e shpërthimit të koronavirusit në Wuhan të Kinës është dobësuar shumë nga greva e saj e urisë në burg.

Ajo tërhoqi vëmëndjen e botës pasi ndua pamje të pacinetëve me COVID-19 në korridoret e spitalit në Wuhan gjatë fillimit të pandemisë së koronavirusit në Kinë.

‘Është e drejta ime të monitoroj qeveri’, u shpreh në atë kohë gazetarja burrit që po përpiqej t’i rrëmbente telefonin.

Sidoqoftë, puna e Zhang, e cila ekspozoi keqmenaxhimin e qeverisë kineze, erdhi me një kosto të madhe pasi ajo u arrestua në maj të vitit të kaluar. Shtatë muaj më vonë, 37-vjeçarja u dënua me katër vite burg.

Një nga avokatë e saj së fundmi është shprehur se Zhang është dobësuar aq shumë sa nuk njihet më, pasi po proteston kundër dënimit të saj që siç e quan ajo të paligjshëm, raporton agjencia e lajmeve AFP.

Avokati tha se ajo është ushqyer me forcë përmes tubave në hundë.

“Duke mos ngrënë, ajo dëshiron të protestojë kundër natyrës ilegale të trajtimit të saj. Ajo beson se mos ngrënia është një mënyrë për t’i treguar atyre që po gabojnë”, tha Zhang Keke, një anëtar i ekipit ligjor që përfaqëson Zhang.