Policia italiane ka vënë në pranga një çift shqiptarë të cilët janë kapur me 400 kg marijuanë me vlerë rreth 2 milionë euro.
Mediat italiane bëjnë me dije se çifti shqiptar Flamur dhe Teuta Gjini, lëndën narkotike e mbante në një magazinë në qendër të Noicattaro.
Zbulimi ndodhi pas disa javësh monitorimi në bashkitë e provincës së Barit. Policët mësuan kështu që dy bashkëshortët e kombësisë shqiptare, me banim në Noicattaro, kishin shndërruar një magazinë në një qendër të vërtetë të magazinimit dhe paketimit të drogës.
