“Është bërë si telenovelë”/ Gazetarët komentojnë kërcënimin që mori Atdheu: Sara do hakmerret

Gazetarët Sabina Meta, Gerald Qerimi dhe Zhaklina Gjolla, të ftuar në  “Shqipëria Live”, komentuan kërcënimin që i është bërë Atdheut nga Dubai, për shkak të Sarës, me të cilën është puthur si në takim ashtu edhe në studio.

Sipas Sabinës, Atdheu e bëri shumë të madhe, e ndoshta ka të drejtë Sara kur thotë se nuk ua ka dhënë ajo numrin e tij të telefonit. “Ai e ka bërë kot të madhe, e bëri për show”, tha ajo.

Nga ana tjetër, Geraldi u shpreh se beson më shumë Atdheun dhe se Sara do të hakmerret për shkak edhe të një debati në grup, që përmenden puntatën e djeshme.

“Duke qenë se ka qenë dhe këngëtare, e ka qenë e njohur, Sara ka hyrë vetëm për show. Nuk ka asnjë lloj interesi me djemtë aty. Edhe me Erlindin pati një takim sa për të qenë në qendër të vëmendjes”, tha ai.

Ndërsa sipas Zhaklin, të gjithë aty në emision janë për show dhe jo për të gjetur dashurinë e vërtetë.

“Sapo kam kaluar Covid dhe kam patur më shumë kohë për të ndjekur ‘Për’puthen’. Në puntatat e para ishte tmerr i vërtetë diskutimi, e tani më duket se po shikoj telenovelën e Pablo Escobar të miksuar me ‘Gossip Girl’. Është kthyer në një telenovelë që ndodh live, me shumë intriga”, tha ajo.