Ish-deputetja e Partisë Demokratike, Albana Vokshi, ka folur për situatën e pandemisë, duke u ndalur dhe tek kandidimi për deputete i shefes së Infektivit, Najada Çomo, por edhe tek plani i Partisë Demokratike për shëndetësinë e sektorët e tjerë.
E ftuar në emisionin “FrontLine”, Vokshi e cilësoi si të papërgjegjshme ftesën e kryeministrit Edi Rama, drejtuar shefes Çomo, për të qenë pjesë e skuadrës së PS, në zgjedhjet e 25 prillit.
Gjatë intervistës, Vokshit bëri një deklaratë të fortë kur tha se vdekjet e pandemisë në vend nuk janë reale, duke shtuar se shifrat hartohen në zyrën e kryeministrit Rama e më pas pasqyrohen nga Ministria e Shëndetësisë.
Të gjitha koncesionet janë përdorur me kosto zero për qytetarin shqiptar, thotë Rama?
Albana Vokshi: Kështu do ishte në një rast ideal. Nuk ke para momentalisht, nuk kishte para as Vilma Nushi për checkap-in, por iu dha që vitin e parë miliona euro. U paguan dhe nga analiza që nuk u bënë kurrë. Me paratë që iu dhanë Vilma Nushit, mund të ishin pasuruar spitalet dhe check up bëhej në spitale. Janë 10 milionë euro, paska para, por këto pse nuk shkuan për aty ku duhet të shkonin. Qendra super moderne e sterilizimit u bë nga qeveria Berisha. Askush nuk ka thënë që dializa nuk duhet bërë. Kemi thënë që dializa është një shërbim i domosdoshëm sepse shumë pacientë duan dhe kërkojnë këtë shërbim. Dializa filloi te privati që në kohën e PD. Nëse e le të lirë konkurrencën dhe çmimi do të ulej. Nuk duhej të krijohej monopol. Nuk kemi thënë që nuk duhej, përkundrazi ne e kemi nisur shërbimin tek privati. Unë kam shkruar shumë herë për të gjitha koncesionet në shëndetësi. Jo vetëm u dhanë në mënyrë korruptive por vazhdon implementimi i koncesioneve dhe të abuzohet në mënyrë marramendëse, por nuk është marrë një trajtim profesional.
Një mendim për masat?
Alana Vokshi: Qytetarët nuk besojnë më tek qeveria. Jo nxjerr ushtrinë, dilnin njëherë gratë, më pas burrat, ishin masa absurde. Sepse nuk u ulën rastet apo humbjet e jetëve të qytetarëve. Po t’i referohemi të gjitha masave e ndërmarra nga Edi Rama, nuk them dot Komuniteti i Ekspertëve. Të gjithë shqiptarët e dinë shumë mirë që shifrat e publikuara, janë vendosur në zyrën e Edi Ramës e janë publikuar më tej nga Ministria e Shëndetësisë. Ne e kemi thënë që numri i të vdekjeve nga COVID-i nuk është ai i publikuar. Ne kemi në dorë denoncime, kemi kërkuar që prokuroria të vijë dhe të hetojë. Fakti është që sot kemi një tërheqje nga komuniteti të një mjeku të mirënjohur për të mos qenë pjesë. Ai është aset, është treguar dinjitoz dhe profesionist.
A duhet politika që të fusë hundët në atë që është shëndetësia, ku flitet për fatet e pacientëve?
Albana Vokshi: Kemi një mjeke që po futet në parti politike në një kohë që pacientët presin kurim. Kjo është papërgjegjshmëri totale, qoftë ftesa, qoftë pranimi. Si i kërkon kryeministri një mjekeje, ik ti nga spitali dhe eja në politikë. Pra kjo nënkupton që ti ke punuar 1 vit me pacientët për atë vend deputeti. Kemi zotin Shehu, Kosova, zotin Bardh Spahia, kemi mjekë të shkëlqyer profesionistë. Jemi në mes të një krize shëndetësore, spitalet janë plot. Ku është përgjegjshmëria e një kryeministri, që shfrytëzon figurën e një mjeku, për ta bërë pjesë të fushatës së tij elektorale. Në vend që t’i vendosi çdo mjeku burim financiar për përballimin e pandemisë, i ofron në politikë. Edhe ata mjekë që janë për të shërbyer, po i heq nga shëndetësia. Jemi gati gati në nivelet e vendeve afrikane, e jemi një vend që inspirojmë të jemi në BE. Spitalet janë pa mjekë specialistë e nuk ofrohen shumë shërbime.
