VIDEO/ Mjeku Haxhi: Ja pse duhet të vaksinoheni edhe nëse e keni kaluar Covid-19

Mjeku Alban Haxhi duke folur për procesin e vaksinimit, tha se duhej të përfshiheshin edhe grupet vulnerabël, si alkoolistët, gratë shtatzënë apo të droguarit,

Si mjek toksikolog, Haxhi tha se grupe të tilla si të droguarit apo të alkoolizuarit, janë grupe që shpesh paragjykohen në shoqërinë shqiptare. Ai tha se në shoqërinë shqiptare këto shtresa vulnerabël nuk po trajtohen me përparësi, edhe pse janë shumë të ekspozuar për shkak të imunitetit të dobët.

Në një intervistë për Oranews, Haxhi tha se referuar të dhënave që ka lidhur me grupin e personave të varur nga substanca të tilla, nuk përfshihet te grupet prioritare në këtë proces vaksinimi.

“Ka një paragjykim social, nuk trajtohen me përparësi, jo vetëm në rastet e vaksinave Covid, por edhe në ato të gripit”, tha Haxhi.

LEXO EDHE  Shqiptarët e majtë të rithemelojnë Partinë Socialiste

Lidhur me vaksinat, mjeku Haxhi tha se vaksinat janë shumë të domosdoshme, veçanërisht në kushtet ku jemi sot.

“Vaksinimi duhet të bëhet për dy arsye: së pari imunizohemi nga një infeksion viral apo bakterial. Shpeshherë kam dëgjuar për testet serologjike, që tregojnë anti-trupat, të cilat mund të bien me kalimin e kohës, por futen në lojë në momentin e një virusi”, tha Haxhi.

Ai tha se megjithëse e ka kaluar koronavirusin do të vaksinohet, pasi kjo i shërben rritjes së anti-trupave. “Duke u ekspozuar ndaj virusit, krijon anti-trupa, çka do të thotë se edhe në rast se përballesh me virusin 2 apo 3 herë nuk ke shenja, e kalon lehtësisht”, tha ai.