Mbyllet java e 22-të e Superiores, rivalitet i ashpër për kreun e renditjes. Rezultatet dhe klasifikimi!

Ditën e sotme është luajtur java e 22-të e Kategorisë Superiore, teksa nuk kanë munguar rezultatet surprizë duke e futur kampionatin në një fazë të nxehtë ku asgjë nuk mund të parashikohet.

Në orën 13:00 u zhvilluan tre takime, aty ku Partizani nuk shkoi më shumë se një barazim 1-1 ndaj Apolonisë vendase. Skuadra tjetër kryeqytetase, Tirana, arriti një fitore komode 2-0 kundër Bylisit, ndërkohë që Kastrioti mposhti në transfertë Skënderbeun me rezultatin 0-1.

Për tu spostuar më pas në orën 16:00, Vllaznia kryesuese mori humbjen e dytë radhazi teksa kësaj here u mposht nga Teuta falë një supergoli të Dejvi Bregut në minutën e 25-të.

LEXO EDHE  Partizani hedh në gjyq Kridens Metën, çfarë parashikon ligji për “shpërdorim detyre”

Fitore të madhe mori edhe Laçi të cilët mundën 1-2 në transfertë Kukësin, duke u ngjitur në vendin e tretë.

Pas javës së 22-të, Kategoria Superiore, kryesohet nga Vllaznia në kuotën e 41 pikëve, ndërsa ndjek Teuta dhe Laçi me nga 40 pikë secila. Ndërkohë Partizani ka zbritur në vendin e 4-t por që gjithsesi vetëm 2 pikë larg kreut.

Rezultatet e javës së 22-të:

Apolonia Fier – Partizani 1 – 1

KF Tirana Bylis 2 – 0

Skenderbeu Kastrioti 0 – 1

Kukësi Laçi 1 – 2

Teuta Vllaznia 1 – 0

Klasifikimi: