Shkencëtarët thonë se ëndërrat ndikojnë në sjelljen tonë gjatë ditës. Në studimin e publikuar në revistën ‘Social Psychological and Personality Science’, një ekip nga USA dhe Britania e Madhe, arritën në konkluzionin se ëndrra të veçanta ndikojnë në jetën tonë.
Studimet e kaluara kanë zbuluar gjithashtu se ëndrrat mund të ndikojnë në veprimet tona, si edhe në gjendjen tonë emocionale.
Sigurisht, Freud, babai i psikoanalizës pajtohej me mendimin se “ëndrrat janë rruga drejt së pandërgjegjshmes” dhe e tha këtë qysh në shekullin e 19’të.
Po çfarë do të thotë nëse shikon para në ëndërr?
Në ëndërr, paratë mund të reflektojnë fuqi dhe pushtet, energji dhe vetëbesim, thotë Kelly Sullivan Walden, themeluese e Dream-Life Coach Training dhe autore e “It’s All In Your Dreams.
Ajo shprehet se janë 2 tipat e ëndrrave me para që njerëzit shohin më shpesh.
Fiton para
Është një ëndërr që ka të bëjë me dëshirën, që do të thotë “triumfin” që mund të kesh ndeshur ose mund të ndeshësh në aspekte të ndryshme të jetës.
Kjo ndodh atëherë kur ke dëshirë, por edhe fuqi për të tërhequr atë që dëshiron të kesh më shumë në jetë.
Gjen para
Nëse shikon në ëndërr sikur gjen para në një çantë ose portofol, kjo mund të përfaqësojë një vetëvlerësim dhe aftësi për të vlerësuar aspektet thelbësore të jetës.
Nëse paratë që po ëndërroni nuk janë tuajat, atëherë ndoshta po merr një kredi për diçka që dyshon se e meriton.
