I përfshirë në përplasjen me armë/ E kaluara e djalit të ish-policit të ekzekutuar në Vlorë

Tauland Gjikaj, 31-vjeçari i cili është ekzekutuar sot teksa po ecte në trotuar në Vlorë, nuk është një emër i panjohur për autoritetet ligjzbatuese.

Ai ka qenë protagonist në një ngjarje të rëndë të ndodhur në datë 27 shkurt 2018 në qytetin e Vlorës. 8 të rinj me pistoleta dhe kallashnikov janë përplasur me armë dhe kanë qëlluar ndaj njeri-tjetrit me armë zjarri. Nga shkëmbimi i zjarrit nga dy bandat mbetën 3 persona të plagosur.

Tauland Gjikaj i cili ka përdorur dhe mbiemrat Beqiraj e Manaj ishte një ndër personat e përfshirë në konfliktin e armatosur.

LEXO EDHE  VIDEO/ Banorët e fshatit në Kukës përzënë Safet Gjicin, ja çfarë ndodhi

Ai u arrestua për ngjarjen, por u lirua sërish nga gjykata.

I riu raportohet po ashtu se ishte djali i një ish-punonjësi të policisë.

Atij i është gjetur armë zjarri me vete.

Vrasja ka ndodhur rreth orës 14:20, në lagjen “Bashkimi”, në afërsi të Gjykatës së Apelit. Beqiraj dyshohet se është qëlluar me breshëri kallashnikovi nga një person që ka zbritur nga një automjet me xhama të zinj. Nga të shtënat, ka mbetur i vdekur në vend.

Andi Jonuzaj u ndalua nga forcat Shqiponja pas ekzekutimit si autor i dyshuar i vrasjes.