Koronavirusi/ Rritja e numrit të të infektuarve, mbyllet Gjykata e Pogradecit

Është mbyllur gjykata e Pogradecit pasi kane rezultuar me COVID-19 punonjës së këtij institucioni. Bëhet e ditur se gjykata do të qëndrojë e mbyllur deri në datën 17 mars, pasi janë prekur nga COVID, 3 gjyqtarë,4 sekretare dhe drejtuesja e Prokurorisë.

Ka qenë njëra prej sektetareve që ka rezultuar pozitive tre ditë më parë dhe më pas ka infektuar edhe të tjerët.

Po të njëjtat burime shtojnë se do të merren tamponë edhe për kontaktet e ngushta të tyret, ndërsa kryetarja e gjykatës rezulton ta ketë kaluar Covidin më herët edhe për këtë me shumë mundësi do të qëndrojë në gatishmëri për masat e sigurisë.

LEXO EDHE  Vrasja në Elbasan, Bushati: Po përgatitet një masakër elektorale

Njësia Vendore e Kujdesit Shëndetësor, pas mbylljes së këtij institucioni, do të bëjë të mundur dizinfektimin e plotë të saj.

Rastet me Covid janë shtuar edhe në Bashkinë e Pogradecit, ku rezultojnë të prekur 3 zv/kryetarë dhe disa drejtorë drejtorish, ndërsa duhet thënë se vijon të jetë i lartë numri i aktivëve në qarkun e Korçës.

Sipas të dhënave të fundit nga Ministria e Shëndetësisë, mësohet se aktivë janë 880 persona.