“Fati i lojërave”/ Shkojnë për gjykim 93 persona, mes tyre vëllai i anëtares së KPA-së

Gjykata e Tiranës ka pranuar kërkesën e prokurorisë për kalimin në gjyq të 93 personave  të akuzuar për ushtrim të aktivitetit të paligjshëm të lojërave të fatit.

Mes personave të pandehur është edhe Ervis Mulaj, vëllai i Natasha Mulajt, anëtares së KPA-së.

Mes të proceduarve janë dhe punonjës të lokaleve ku  vendoseshin baste online.

Hetimi për këtë çështje nisi në korrik të viti 2019, ndërsa në shkurt të vitit 2020, policia dhe prokuroria finalizuan operacioinin që u shtri deri në 8 qarqe të vendit.

LEXO EDHE  Plagosja e pesëfishtë te xhamia në “Rrugën e Kavajës”, imami Kalaja: Shpresoj të mos jetë sulm terrorist

Në atë kohë, referuar dosjes së prokurorisë, u angazhuan agjentë policie që prezantohenin si qytetarë për të vënë lloto.

Policia në operacionin “Lojërat e Fatit” vuri në pranga 115 persona, nga të cilët 93 u proceduan, dhe u morën si të pandehur.