“1 mln lekë në muaj fatura për bashkëshorten”, Basha: Do gjejmë zgjidhje për moshën e tretë

Kryetari i Partisë Demokratike Lulzim Basha, ka zhvilluar ditën e sotme një vizitë në një familje pensionistësh, ku bashkëshortja e kryefamiljarit ishte e shtrirë në shtrat prej ishemisë cerebrale.

Në bisedën që zhvilloi me kreun e opozitës, bashkëshorti ngriti shqetësimin e tij, pasi kurimi dhe shpenzimet e nevojshme për nusen, i kalojnë 1 milion lekë në muaj.

Kreu i demokratëve i premtoi të moshuarit se do të ngremë një qeveri që kujdeset për njerëzit, si dhe do gjenden zgjidhjet në veçanti që mosha e tretë të ketë kujdesin bazë për të gjitha rastet.

LEXO EDHE  Basha me kryetaren e Partisë Konservatore britanike: Duam investime britanike, investime europiane

Postimi i plotë i Lulzim Bashës:

Ne do të ngremë një qeveri që kujdeset për njerëzit, jo për veten e saj. Rama ua shpërndan taksat oligarkëve. Nuk ka asgjë për dinjitetin njerëzor në qeverisjen e tij. Ne do të mundësojmë që në veçanti mosha e tretë të ketë kujdesin bazë për të gjitha rastet. #SHQIPERIAFITON