Sfida ndaj Bylis-it, Tirana me mungesa të rëndësishme në mesjavë

Tirana do luaj me Bylisin të mërkurën në 13:00. Ndeshja e “Selman Stërmasit” vlen për javën e 22 të Kategorisë Superiore dhe bardheblutë kampion në fuqi të vendit do kërkojnë suksesin e radhës.

Pas përmbysjes dhe tri pikët në Shkodër me Vllazninë, Tirana ka mësuar se për shkak të kartonave nuk do ketë gati as Idriz Bathën.

Kapiteni veç golit të barazimit, u ndëshkua edhe me të verdhin e katërt, çka do të thotë mungesë në ndeshjen me mallakastriotët. Te Tirana rikthehet Hoxhallari, ndërsa vijon të shqetësojë gjendja e Cala e Torassa.

LEXO EDHE  VIDEO/ “Mbi 600 mijë euro kontribut”, FSHF publikon pamjet e kompleksit të ri të Partizanit

Braziliani vuan një dhimbjë në shpatull, ndërsa argjentinasi ka ndjerë shqetësime në gju. Najdovski gjendet në Maqedoni i infektuar me covid-19, teksa për të njëjtën arsye mungon edhe Danso.