Johnson & Johnson do të dërgojë sasitë e para të vaksinës së saj të koronavirusit në SHBA duke filluar nga kjo e martë, vetëm dy ditë pasi Administrata e Ushqimit dhe Barnave e SH.B.A. dha Autorizimin e Përdorimit Emergjent.
Kompania farmaceutike tha se kishte në plan të sillte 3.9 milion doza në SHBA. Ndryshe nga vaksinat e zhvilluara nga Moderna dhe Pfizer, të cilat kërkojnë dy doza për imunizim të plotë, vaksinat J&J kanë nevojë vetëm për një dozë, sipas FDA.
“Për 13 muajt e fundit mjekët tanë, shkencëtarët tanë, inxhinierët tanë kanë punuar gjatë gjithë kohës për ta bërë të mundur këtë ditë. Ne nuk mund të ishim më të ngazëllyer,” tha Alex Gorsky, CEO i Johnson & Johnson, gjatë një daljeje në “Good Morning America” të hënën.
Vaksina J&J ofron mbrojtje edhe në vendet ku po përhapet varianti i Afrikës së Jugut. Kompania Johnson & Johnson po kërkon gjithashtu autorizim për përdorimin të vaksinës në Evropë dhe nga Organizata Botërore e Shëndetësisë.
