Analisti Andi Bushati tha mbrëmjen e sotme në Opinion se në 25 prill nuk do të ketë zgjedhje të lira dhe të ndershme.
Bushati tha se Rama do të vjedhë votat dhe do të bëjë 71 mandatet që i japin mandatin e 3-të si Kryeministër.
“Pse keni ende dyshime se Edi Rama nuk do të vjedhë zgjedhjet? Lexoni sondazhet, lexoni se çfarë deklaron, shikoni se çfarë thotë për OFL-në? Dhe pas gjithë këtyre ende besoni se Edi Rama nuk do të vjedhë votat?”, tha Bushati.
Duke komentuar deklaratat e Presidentit Meta, i cili tha se do të jepte dorëheqjen nëse Edi Rama fitonte 71 mandate pa prekur votat, Bushati tha se kjo është krejt normale, pasi Meta nuk mund të qëndrojë në një pozicion kur thuhet se përballë kemi një regjim.
“Pse si duhet të jetë Presidenti, është krejt normale kjo që ka thënë”, tha Bushati.
