Sapo është mbyllur pjesa e parë mes Partizanit dhe Laçit, takim i vlefshëm për javën e 21-të të Kategorisë Superiore.
Skuadrat i janë drejtuar dhomave të zhveshjes me rezultatin 1-0 teksa Partizani ka shënuar me anë të Cinarit
Skuadra e Duros e nisi takimin më e vendosur duke u shfaqur agresive në fushë. Gjithsesi rasti i parë i rrezikshëm i përket Partizanit të cilët rrezikuan me Hakajn, i cili provon me një gjuajtje brenda zonës, pas inkursionit mjaft të bukur të Bardhit, por tentativa e shkodranit shkoi ngjitur me shtyllën e portës së mbrojtur nga Sherri.
Tre minuta më vonë Laçi provon të kundërpërgjigjet me Deliun që provon në hyrje të zonë, por tentativa e tij ndalet nga mbrojtësit e Partizanit.
Skuadra e Duros do të ushtronte presion për të gjetur golin teksa rrezikuan me Redon Xhixhën dhe Harmon Van Dejv. I pari humbi një mundësi të artë për të shënuar teksa shumë pranë vijës fatale, sulmuesi ka bërë më të vështirën, duke e dërguar topin mbi kuadrat.
Ritmi në “Elbasan Arena” ishte i jashtëzakonshëm dhe kësaj here janë “demat” e Partizanit që kërcënojnë dy herë me anë të Çinarit, që fillimisht provon me një roveshatë, por tentativa e tij shkon jashtë kuadratit. Pak minuta më pas tentativa e shkodranit brenda zonës shkon ngjitur me shtyllën.
Përpjekjet e tij do të shpërbleheshin në fundi të pjesë së parë teksa realizoi në minutën e parë shtesë.
