Koncesioni i Rinasit/ Meta thirrje deputetëve për të mos e rivotuar: Reflektoni, pas 25 Prillit nuk ka amnisti, por drejtësi!

Presidenti Ilir Meta u bëri thirrje këtë të Shtunë deputetëve të mos rivotojnë, ligjin shtyrjen me 13 vite të koncesionit të aeroportit të Rinasit.

Ligj, që pas miratimit në Kuvend, është kthyer për rishqyrtim nga kreu i shtetit.

Meta deklaroi se kjo marrëveshje është në dëm të interesit publik, shtetëror e kombëtar.

“Kuvendi duhet të kërkojë vënien para përgjegjësisë të çdo funksionari publik që ka konsumuar shkeje të Kushtetutës dhe ligjit përgjatë procedurave të ndjekura deri tek hartimi e nënshkrimi i kontratës dhe servirja për miratim më ligj të kësaj marëveshjeje shtesë koncesionare që haptazi është në dëm të intersit publik, shtetëror e kombëtar”, tha Meta.

LEXO EDHE  Nis sot shpërndarja e fletëve të votimit në komisionet zonale

“I bëj thirrje të reflektojnë me shumë përgjegjësi për këtë ligj dhe I paralajmëroj se gjithcka do mbahet shënim dhe nuk do të ketë kurrë amnisti por vetëm drejtësi. Po u jap mundësinë deputetëve të reflektojnë e të përmbushin detyrimin. Shpresoj që të ketë reflektim sepse gjasat janë të pakta”, shtoi Meta.