Futi në listën e kandidatëve për deputet mësuesen që humbi jetën nga Covid, reagon Gjuzi

Kryetar i partisë Konservatore, deputeti Kujtim Gjuzi, në listën e kandidatëve për deputetë që publikoi dje kishte përfshirë një mësuese, e cila ka 4 muaj që ka vdekur.

Bëhet fjalë për Perika Xhulin. Në një prononcim për mediat, Gjuzi shprehet se ishte lapsus i stafit, pasi lista e një viti më parë nuk ishte rifreskuar.

“Ka qenë lapsus dhe është korrektuar. Ka qenë gabim. Kandidatët që vendosim në listë vijnë të gjithë në zyrë, por atje ku kanë qenë të rreshtuar te lista paraprake, që është një vjeçare, e ca më tepër. Kam pasur një komunikim me familjen e saj dhe e kam korrektuar.

LEXO EDHE  Majtas jo djathas, televizionet favorizuan PS-në dhe shkelën Kodin Zgjedhor

Gabimisht. Ajo ka qenë anëtare e partisë Konservatore. Astrit Seranaj është me vonesë, pasi e kam korrektuar. Është lapsus administrativ. Po ta kisha parë unë…por në momentin që e vura re e hoqa.

Në vend që të shikojnë aty profesorë, doktorë të shkencave shkojnë kapen në një lapsus shkrimor, administrativ, që është e stafit. Kemi qenë me ngarkesë” tha ai.

Denoncimi i skandalit u bë nga aktivisti dhe arkitekti Astrit Seranaj.