Bayern Munchen është rikthyer te fitorja në Bundesligë, duke shkatërruar me shifrat 5-1 Kolnin. Bavarezët gjetën golin e parë me anë të Chupo-Moting, ndërsa më pas ishte momenti i Lewandowskit, që shënoi në minutën e 34’.
2-0 u mbyll pjesa e parë, ndërsa fraksioni i dytë ishte akoma më me shumë spektakël. Koln shkurtoi diferencën e golave në minutën e 48’, por Lewandowski shënoi përsëri, duke çuar shifrat në 3-1. Ishte goli i 28-të në këtë sezon të Bundesligës për polakun, që është thjesht i pandalshëm.
Më pas, ishte momenti i Gnabryt, që shënoi dy herë të tjera në fund, duke mbyllur gjithçka në 5-1, me Bayernin që shkon në kuotën e 52 pikëve në vendin e parë, 5 pikë më shumë se Leipzig, që do të luajë ndaj Gladbach.
