Ju të gjithë mund keni lexuar shumë përralla me përbindësha, dhe keni parë gjithashtu edhe shumë filma me përbindësha.
Ato ju kanë nxitur imagjinatën se çfarë do të ndodhte nëse në një moment do të gjendeshit para tyre. Por ka njerëz që pretendojnë se i kanë parë në realitet përbindësha të tillë.
Dover Demon
Është një përbindësh, të cilin 3 adoleshentë amerikanë pretenduan se e kishin parë në Masaçusets, Boston,natën midis 21-22 prillit 1977. Sipas adoleshentëve, përbindëshi kishte gishta në formë kaçurrelash dhe sy shumë të mëdhenj dhe plot shkëlqim. Gjithsesi policia besoi se ky ishte vetëm një reng që të rinjve u ishte punuar nga disa adoleshentë të tjerë.
Njeriu-ujk
Ai është pjesë e një legjende të famshme në Amerikën e Veriut. Sipas saj, një blegtor e kishte dërguar djalin e tij adoleshent për të gjuajtur një dre në pyll. Djali nuk u kthye, ndaj i ati shkoi në pyll së bashku me një ekip shpëtimi. Kur dëgjoi britmën e djalit të tij adoleshent në pyll, ai vrapoi në atë drejtim, dhe pa që fëmija i tij po hahej nga një krijesë e madhe e ngjashme me një ujk. Ai u qëllua disa herë me pushkë por nuk ngordhi, duke u larguar me vrap.
Santu Sakai
Është një legjendë malajziane mbi një krijesë që sulmonte fshatrat, duke ngrënë njerëzit e pafajshëm. Santu Sakais përshkruhen si gjysmë njerëz dhe gjysmë kafshë. Jo shumë njerëz e besojnë ekzistencën e Santu Sakai. Por një burrë i quajtur Henri Van Herden pretendon se ka parë 2 prej këtyre monstrave ndërsa gjuanin njerëz.
Champ
Ky përbindësh thuhet se jeton në Liqenin Champlain në SHBA. Nuk ka asnjë provë fizike që të mund të provojë ekzistencën e tij. Shkencëtarët besojnë se është një mashtrim, për të tërhequr më shumë turistë në atë zonë. Gjithsesi, deri më tani rreth 300 njerëz kanë pohuar se kanë pasur takime me këtë përbindësh të frikshëm. Personi i parë që e ka parë këtë krijesë ishte Samuel de Çemplein në vitin 1609.
Majmuni Skunk
Kjo krijesë e ngjashme me majmunët, është një pjesë e legjendave të shumta të shteteve në SHBA, përfshirë Floridën, Karolinën e Veriut dhe Arkansasin. Raportimet më të shumta i përkasin viteve 1960-1970. Gjithsesi, shkencëtarët nuk besojnë në ekzistencën e tij, dhe mendojnë se ajo që njerëzit panë në atë kohë ishte thjesht një ari.
Zogu i Stuhive
Është një shpend i madh,që njerëz të ndryshëm kanë raportuar se e kanë parë midis viteve 1890-2007. Këto krijesa besohet të jenë pjesë e folklorit të Amerikës së Veriut, dhe të kujtojnë pterodaktelet prehistorike.
Jeti
Njihet gjerësisht si Njeriu i Dëborës, dhe thuhet se banon në Malet Himalaje. Ka qenë pjesë e mitologjisë së popullsisë autoktone të Butanit, Tibetit dhe Nepalit. Në vitin 1921, britanikët kryen një ekspeditë në Malin Everest, dhe ishte atëherë që ata panë gjurmët e ndonjë krijese për të cilën menduan se duhet të ishte një ujk i madh.
Çupakabra
Kjo krijesë e çuditshme është një pjesë e folklorit të Amerikës së Veriut, dhe besohet se është parë në fillim në Porto Riko. Çupakabra mendohet se sulmon bagëtitë, veçanërisht dhitë, dhe thith gjakun e tyre. Kjo krijesë besohet se duket si një ari i vogël, por ka shumë thumba mbi shpinë.
Përbindëshi i Loch Ness
Ky monstër raportohet se është parë në Liqen Ness në Skoci që nga viti 1933. Ka shumë histori nga njerëz të ndryshëm që pretendojnë se e kanë parë këtë përbindësh, por ka pak foto apo video të regjistruara. Përbindëshi, pretendojnë disa, është një dinozaur i madh, që ka mbetur gjallë deri më sot. 2017-a ishte viti rekord për raportimet e parjes së këtij përbindëshi.
Këmbëmadhi
Edhe ky është një pjesë e legjendave në Amerikëne Veriut. Thuhet se jeton në pyje dhe është një krijesë e ngjashme me majmunët. Ky përbindësh, siç përshkruhet nga njerëzit që pretendojnë se e kanë parë është i madh dhe me flokë, por shkencëtarët nuk besojnë në ekzistencën e tij. Ata thonë se bëhet fjalë për thashetheme, dhe se njerëzit kanë parë me shumë gjasa një ari.
