Presidenti Ilir Meta tha se për Qeverinë nuk është prioritet pandemia, por babëzia. Meta iu rikthye çështjes së Teatrit Kombëtar, për të cilin tha se u shemb me 1 mijë kg tritol.
“E mbani mend se si u shkelën rregullat e pandemisë, kur u shemb Teatri Kombëtar? Sepse kjo qeveri ka si prioritet babëzinë.
Ndaj dhe më 25 prill, qytetarët duhet të votojnë kundër kësaj oligarkie. Presidenti ka për detyrë Kushtetuese të takojë qytetarët dhe ti kërkojë që të votojnë më 25 prill”, tha Meta.
Duke iu drejtuar Kryeministrit Edi Rama, Meta tha se shqiptarët nuk janë dele dhe Shqipëria nuk do të bëhet Korea e Veriut që të bërtasim rroftë Shqipëria socialiste.
Ai tha se i ka kërkuar shqiptarëve që të marrin pjesë masivisht në zgjedhje, dhe përmes votës të largojnë çdo zgjedhë që nuk na bën qytetarë të lirë.
