Ish e fejuara e Jerome Boateng, Kasia Lenhardt kreu vetëvrasje dy javë më parë. Prokuroria Publike e Mynihut ka hapur një hetim në lidhje me ngjarjen e rëndë, teksa i akuzuar ka përfunduar edhe mbrojtësi i Bayern Munchen.
Bild raporton se autopsia e modeles ka nxjerrë dëmtim të një prej veshëve të saj dhe ka dyshime se një dëmtim të tillë ia ka kryer 32-vjeçari gjerman. Nëse gjithçka vërtetohet, atëherë Boateng do të akuzohej për plagosje.
“Kemi marrë informacione të reja në kontekstin e hetimit për vdekjen e Lenhardt në Berlin. Hetimet vazhdojnë“, deklaron për të përditshmen gjermane Anne Leiding, kryeprokurorja e Mynihut.
