Nënkryetari i LSI, Petrit Vasili gjatë një interviste të dhënë për Fax News u shpreh se kryeministri ka zgjedhur rrugën e gabuar duke gënjyer, por duhet të mbyllë gojën dhe te mos merret me llafe pasi njerëzit janë lënë në mëshirë të fatit.
Sipas Vasilit me këto ritme që po zhvillohet procesi i vaksinimit jo vetëm 14 muaj po nuk do të mjaftonin as 34 apo 44 muaj që e gjithë popullsia të vaksinohej.
“Ka vetëm fuqi që të marrë ca kamera të bëjë gjithë paraditen të merret me atë punë edhe të tallet me qytetarët. Me këtë ritëm është fare e qartë që jo vetëm 14 muaj, por nuk dalin as 34 apo 44 muaj.
Kryeminstri ka gjetur rrugën më të keqe në botë të gënjejë. Cila do të ishte rruga më e mirë? Ore të qepë gojën të rrij atje të mos merret me llafe dhe të thotë ja ku erdhi vaksina, zonjë apo zotëri shko vaksinohu të kam krijuar këtë mundësi, këtë shërbim po ta ofroj.
Në teori duhet të kishim rreth 85 mijë 90 mijë vaksina, se në praktikë se çfarë kemi ju e shikoni. 15%-20% e kohës ka ikur me një sasi vaksinash që kontigjenti është 40, 50, 100 herë më i vogël sesa ata që duheshin vaksinuar.
Njerëzit janë në mëshirë të fatit, sëmuren, lënë komplikacione të mëdha mbrapa dhe ata që kalojnë sëmundjen kanë probleme dhe komplikacione më mbrapa për të cilat duhet të kujdeset sistemi shëndetësor. Gjithçka është një duartrokitje që fillon dhe mbaron tek kutija e vaksinës që e pret kryemintri në aeroport dhe tek konferenca e shtypit që do të bëjë nga prapa”, tha Vasili.
