Koronavirusi në Kosovë / 4 viktima dhe 368 raste të reja në 24 orët e fundit

Autoritetet shëndetësore në Kosovë raportuan sot se janë shënuar 4 viktima dhe 368 raste të reja me koronavirus.

Instituti Kombëtar i Shëndetësisë Publike tha se dy raste të vdekjes u konfirmuan në Prishtinë, ndërsa nga një në Prizren dhe Shtime.

Rastet e reja pozitive, ndërkaq, rezultuan pas realizimit të 2,843 testimeve.

Me këto shifra, numri total i të infektuarve me covid-19 në Kosovë arrin në 67,008, ndërsa i viktimave në 1,579.

Të shëruar janë gjithsej 58,600 persona – prej tyre, 241 në 24 orët e fundit.

Aktualisht, raste aktive në Kosovë janë 6,829.

Të hënën, autoritetet shëndetësore paralajmëruan se ka shenja për rritje të mundshme të rasteve me koronavirus në ditët e ardhshme.

Njoftimi:

241 TË SHËRUAR DHE 368 RASTE ME COVID-19!

Gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratoret private me metodën RT-PCR, janë testuar gjithsej 2.843 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 368 raste pozitive.

LEXO EDHE  Spaho: Qeveria e Bashës do të ulë taksat dhe do t’u japë fermerëve para në dorë në bazë të prodhimit

Brenda 24 orëve janë raportuar 4 raste të vdekjes me SARS CoV-2 pozitiv. Rastet e vdekjes janë nga komunat: Prishtinë 2 raste (71, 86 vjeç), Prizren 1 rast (78 vjeç) dhe Shtime 1 rast (62 vjeç).
Numri total i rasteve pozitive është 67.008 raste nga 291.847 persona të dyshimtë në virusin SARS-CoV-2 dhe 1.579 raste të vdekjes.

Gjatë 24 orëve të fundit, janë shëruar 241 pacientë derisa numri i përgjithshëm i të shëruarve deri më sot është gjithsej 58.600 raste, kurse numri i rasteve aktive është 6.829.

Rastet pozitive janë nga komunat: Prishtinë 211 raste, Gjilan 30 raste, Fushë-Kosovë 25 raste, Lipjan 15 raste, Ferizaj 14 raste, Pejë 12 raste, Obiliq 10 raste, Podujevë 9 raste, Gjakovë 5 raste, Graçanicë 5 raste, Suharekë 5 raste, Mitrovicë 4 raste, Shtime 4 raste, Vushtrri 4 raste, Kamenicë 3 raste, Viti 3 raste, Prizren 2 raste, Skenderaj 2 raste dhe me nga një rast komunat Deçan, Drenas, Istog, Kaçanik dhe Shtërpcë.

Mbuloni gojën dhe hundën me maskë!

Mbani higjienën!

Respektoni distancën!