Sekretari i Përgjithshëm i PD, Gazmend Bardhi, njëherazi drejtues politik në Elbasan, tha sot se e ka bazuar fushatën e tij tek rinia, jo tek bandat dhe interesat.
Në një takim me të rinjtë e PD në Elbasan, të angazhuar në aksionin derë më derë, të cilët u trajnuan prej Fondacionit Konrad Adenauer, Bardhi u shpreh se do të mbështetem tek rinia, sepse besoj tek energjia e tyre dhe motivi që kanë për t’u përfshirë në politikë për të ndryshuar vendin, dhe jo për të përfituar.
Ky takim u organizua në Elbasan nga Qendra Shqiptare Për Qeverisje te Mire, në bashkëpunim me Fondacionin Konrad Adenauer, që është një prej zyrave partnere të Partisë Demokratike në hartimin e programit politik dhe një mbështetëse për fushatën zgjedhore.
Kreu i zyrës për Shqipërinë, Tobias Rüttershoff, u shpreh se PD ka programin e duhur për ta futur vendin në rrugën europiane, dhe po ashtu ka njerëzit e duhur, tha ai, sic është zoti Gazment Bardhi.
