Taulant Balla, drejtues politik i PS-së për qarkun e Elbasanit, u shpreh sot gjatë një bashkëbisedimi me qytetarët në Elbasan, se falë punës, vullnetit dhe vizonit janë realizuar shumë projekte.
Gjithashtu ai theksoi se që të arrihet në përfundim të projekteve të nisura, PS i duhet edhe ky mandat i tretë.
“Nuk kemi shkop magjik që ta transformojmë Elbasanin brenda 4 apo 8 viteve, ndaj na duhet ky mandat i tretë”, tha Balla.
Nuk dihet nëse Balla apo Edi Rama do të gjejnë shkopin magjik për të zgjidhur problemet, përderisa sipas numrit dy të PS-së zgjidhja e tyre ka lidhje me shkopin.
Por të paktën kreu i deputetëve socialistë sot na zbuloi se për 8 vite, Rilindja ishte në kërkim të shkopit magjik, të cilin duket se nuk e ka gjetur.
