Policia ka identifikuar autorët të cilët qëlluan me armë drejt 30-vjeçarit Taulant Pepaj, në lagjen “Skënderbeg”, në Shkodër.
Burimet zyrtare bëjnë me dije se për shkak të hetimit nuk mund të jepen të dhëna të tjera, ndërsa është duke u punuar për kapjen e tyre.
Shënjestra e atentatit, Taulant Pepaj, rezulton të jetë një person i arrestuar për veprën penale “Plagosje e rëndë me dashje” për ngjarjen e datës 25.06.2017 në lagjen ”Bacallek ”Shkodër, ku gjatë një konflikti të çastit ka plagosur me armë zjarri shtetasin R. Th, 22 vjeç, banues në Shkodër.
30-vjeçari u qëllua me armë nga persona ende të paidentifikuar në afërsi të repartit të zjarrfikëses në lagjen “Skënderbeg”, rreth mesditës së sotme.
Si pasojë e të shtënave nuk pati persona të lënduar ndërkohë që policia është vënë në ndjekje të autorëve të sulmit.
