Një ngjarje e rëndë, e padëgjuar ndonjëherë, tronditi disa muaj më parë opinionin publik në Shqipëri.
Nënë e bijë, Zhaneta dhe Anisa Josifi u gjetën të pajeta në banesën e tyre në Kombinat, pas vetëflijimit me besimin për t’u ringjallur.
Në gjendje kritike, u gjet vajza tjetër, Blerta Josifi, e cila pas një lufte me vdekjen në spital, arriti të dilte nga gjendja kritike dhe mes lotësh kërkonte nënën e motrën.
Blerta Josifi dalëngadalë po i rikthehet jetës normale. Afro një muaj më parë, ajo është punësuar si arkiviste pranë Arkivit të Shtetit, ndërsa po qëndron në banesën ku humbi nënën dhe motrën.
“Me tezen e saj është shoqëruar një 3 apo 4 herë që e kam parë unë. Është e qetë. Këtu lart se kam parë të ngjitet.”, tha banori i zonës. Ndërkohë pyetjes nëse ia ka idenë nëse është e punësuar, banori tha; “Për punësim nuk besoj se është në gjendje, të kalojë gjithë atë fatkeqësi.”. Ndërkohë sipas psikologëvr individë që kalojnë trauma të tilla duan një kohë të gjatë që të mund të trajtohen.Punësimi i saj është një mënyrë e mirë për rehabilitimin e këtyre individëve, por thekson se duhet të jenë nën kujdesin e profesionistëve.
Sakaq pas ngjarjes së rëndë, u mësua se mamaja dhe dy vajzat ishin praktikante të “Dëshmitarëve të Jehovait”, besim i cili edhe i kishte çuar drejt aktit të rëndë, por Prokuroria ende nuk ka një variant përfundmitar.
