Një ngjarje ende në zhvillim e sipër po ndodh në Korçë, ku raportohet se kanë marrë flakë lëndët toksike në ish-Trikotazhin e Korçës. Ngjarja ka ndodhur në lagjen nr. 9 të qytetit, ku janë dëgjuar edhe shpërthime.
Për shkak të kësaj situate 10 familje janë rrezikuar seriozisht për shkak të helmit që kanë lëshuar mbetjet toksike.
Ndërkohë që në vendngjarje ka mbërritur edhe zjarrëfikësit që pritet të nxjerrin nga banesat, banorët e pallatit.
Sipas ekspertëve, këto janë lëndë kimike që hyjnë në reaksion me njëra-tjetrën në prani të temperaturave.
Lagështia ka bërë që të aktivizohet përzierja e lëndëve.
Këto lëndë kimike çlirojnë tym dhe gaz me përmbajtje kimike çka mund të helmojnë banorët.
