Të paktën tre persona mbetën të plagosur në nga një shpërthim i ndodhur në kompaninë gjermane “Lidl”, të Mërkurën.
Policia bllokoi të gjitha hyrjet e ndërtesës së administratës në Heilborn dhe u kujdes që të plagosurit të dërgohen me urgjencë në spital. Mediat e huaja shkruajnë se më shumë se 100 punëtorë u evakuuan nga selia.
Dyshohet se shpërthimi u shkaktua nga një letër-bombë. Policia nuk ka dhënë detaje se ky incident, është lidhur me një shpërthim tjetër që ka ndodhur të martën, rreth 60 km larg kompanisë.
Ndërkohë nga krahu tjetër Specialistët e Zyrës së Policisë Kriminale kanë marrë pakon që shpërtheu për të kryer një hetim më të detajuar.
