Kryeministri Edi Rama para disa ditësh, shpjegoi sepse kërkon mandatin e 3-të në krye të qeverisë.
“Mandatin e tretë nuk do e kërkoja, sepse dua të rri me familjen, por po e bëj për Shqipërinë”, shkruante Rama në rrjetet sociale. Rama sqaronte se kishte shumë borxhe ndaj familjes së tij, sidomos ndaj djalit të vogël, Zahos, por po e bënë këtë ‘sakrificë’, për popullin shqiptar.
Kjo deklaratë e tij, është bërë mjaft virale, madje kanë nisur edhe mem-et në rrjetet sociale.
Së fundmi, në rrjet qarkullon një letër, si të ishte shkruar nga familja e Kryeministri, e cila i kërkon qytetarëve të mos e votojnë PS dhe as Ramën, që ai të kthehet në shtëpi.
“Ai do rrijë me ne, por ju po e shtrëngoni për mandatin e tretë”, thuhet në letrën që është bërë virale në rrjet dhe që ironizon Ramën.
Letra mbyllet me një shprehje të Nolit për Skënderbeun:
‘Qan nëna për një bir, qan shpata për një burrë’.
Në fund të saj me sarkazëm dhe imagjinatën e pashoq të qytetarëve thuhet:
‘Popull mendo për ne, na e kthe Edin’.
