Pak ditë më parë, në kuadrin e show dhe propogandës qeveritare, qarkulloi në rrjetet sociale dhe media, një foto ku një punonjës shëndetësor, i maste tensionin një zonje, në mes të dëborës.
Ndërkohë kur qindra qytetarë u bllokuan në akse të ndryshme rrugore për shkak të ngricave, ndërsa ministrja Belinda Balluku zgjodhi të hipte mbi një borëpastruese, kolegia e saj po ministre, Ogerta Manastirliu nuk mund të mbetej pas në show-n rilindas.
Dhe për këtë u zgjodh një punonjës shëndetësor, që në mes të ngricës, i maste tensionin një zonje, ndërkohë që çdo praktikë mjekësore këshillon të kundërtën, pra vendosjen e pacientit në kushte optimale temperaturash, dhe jo heqje rrobash në mes të acarit. Këtë e di gjithkush që mund të ketë lexuar, jo studiuar mjekësi, pasi i ftohti automatikisht ndikon në vlerat hipertensive.
Referuar show të Manastirliut, në rrjet ka shpërthyer gallata.
Imazheristi Renato Osmënaj, që në rrjetet sociale, njihet si Xhaxhi Doktori, ka ironizuar ministren Manastirliu, me një foto-montazh që e shoqëron me koemntin “zonja që mati tensionin në dëborë, lindi binjakë në maternitetin e Bubqit!
Të tre gêzojnë shëndet të plotë!
Flm Ogi”.
