Në Greqi ka pasur një ulje të numrit të rasteve të reja me Covid-19, gjatë 24 orëve të fundit, kjo referuar një dite më parë.
Ministria e Shëndetësisë në Greqi njoftoi se gjatë ditës së sotme kanë rezultuar pozitivë 755 persona, ndërkohë që një ditë më parë ishin raportuar mbi 1 mijë raste.
Sipas të dhënave zyrtare, gjatë 24 orëve të fundit humbën jetën 13 pacientë duke e çuar numrin e përgjithshëm të viktimave në 6194 vdekje.
Ndërkohë numri i përgjithshëm i të prekurve me Covid që nga fillimi i pandemisë ka arritur në 174,659 raste, ku 51.8% e tyre janë burra.
