Ish-deputeti demokrat Flamur Noka, një prej drejtuesve politikë të PD në qarkun e Tiranës, u shpreh sot se me Edi Ramën ka vetëm dështime.
Noka ishte në familjen e Bilbil Tolulit në Bathore, e cila është përjashtuar nga ndihma ekonomike
“Pas 8 vitesh, legalizimi jo vetem nuk u bë falas, por nuk u bë fare”, tha kryefamiljari i zhgënjyer, duke bërë përgjegjëse qeverinë për diskriminim.
Megjithëse në kushte të vështira, ata nuk e kanë humbur shpresën se zgjedhjet e 25 Prillit do të sjellin ndryshimin.
“Edi Rama e ka lënë Shqipërinë në vendnumëro! Ai po e mban peng këtë vend. Ndaj, më 25 prill të gjithë duhet të shkojmë tek kutitë e votimit për t’i dhënë Shqipërisë një fytyrë tjetër, një qeveri me Lulzim Bashën. Ne do të jemi pranë jush në çdo moment.
Të gjithë ata që kanë abuzuar keto vite do të vihen përpara përgjegjësisë. Koha kur qytetarët shkelen me këmbë do të marrë fund!
Detyra e shtetit është të kujdeset për qytetarët e tij”, theksoi Flamur Noka.
