Epidemiologu Erand Llanaj u shpreh në emisionin “Abc-ja e mëngjesit” se ilaçi remdesivir nuk është i rëkomandueshëm për pacientët e prekur nga Covid-19. “Remdesivir nuk rekomandohet të përdoret për pacientët që janë me covid vecanërisht në raste të ashpra ose në rastet ku proteina CRP shkon mbi 50”, u shpreh ai.
Më tej, Llanaj shtoi se virusin do ta vendosim nën kontroll vetëm pas vitit 2024 dhe se duhet të përgatitetemi për virusin e radhës.
“Unë qëndroj që nën kontroll do ta vendosim pas 2024 dhe njëkohësisht se duhet të fillojmë dhe seriozisht të përgatisim infrastrukturën gjenomike pasi shikojmë që numri i mutacineve i një virusi të zakonshëm që të kalojë tek njerëzit është shumë i vogël dhe ne duhet të shikojmë si të parandalojmë pandeminë e radhës që vjen një Sars Cov 3 të mundshëm pasi nuk është një në 100 vite por kishim Sarsin, kemi Sars Cov 2. Është momenti të përgatitemi pasi virusi i radhës nuk do të jetë kaq komod për vendimarrësit dhe për shoqërinë që të vdesin vetëm ata që kanë sëmundje shoqëruese apo të moshuarit. Të shikoni një virus që filloin dhe vdesin fëmijë do ta shikojmë se do të rritet niveli i përgjegjësisë qoftë nga ana e vendimmarrësve dhe nga ana e popullatës”, tha ai.
