Kryetari i PD-së, Lulzim Basha, premtoi sot, gjatë një bashkëbisedimi me përfaqësues të shoqërisë civile, se brenda vitit të parë qeverisë do t’iu përvijojë shqiptarëve horizontin e një kushtetute të re.
“Shumë shpejt, brenda këtij viti do t’iu përvijojmë shqiptarëve horizontin e një kushtetute të re. Horizontin e një kushtetute të re e cila të japë zgjidhje afatgjata për mos përqendrimin e pushtetit, për ndarjen dhe balancimin e pushtetit”. deklaroi Bashas.
Gjithashtu ai shtoi se në 6 mujorin e parë të qeverisjes së tyre do të bëjnë realitet konferencën e parë ndërqeveritare me Bashkimin Europian. Sipas kryedemokratit do të nisin një kapitull të ri të integrimit të vendit në Bashkimin Europian, duke bërë përgjegjës qeverinë se në këto tetë vite nuk është bërë asgjë.
Edhe më parë kreu demokrat ka paralajmëruar ndryshime në Kushtetutën e vendit. Madje në 2017 deklaroi se Parlamenti duhet të ketë 100 deputetë, hodhi idenë e një Parlamenti me dy dhoma, si dhe për kufizimin e mandateve për të mbajtur postin e Kryeministrit, në jo më shumë se dy herë.
