Bashkimi Evropian do të fillojë këtë javë një program të ri për të studiuar mutacionet në virusin COVID-19, në një përpjekje për t’u përgatitur për gjeneratën e ardhshme të vaksinave që mund të jenë të nevojshme, tha presidenti i Komisionit Evropian për Les Echos.
Programi, i quajtur “Inkubatori HERA”, do të bashkojë autoritetet shëndetësore dhe laboratorët dhe do të ketë financimin e tij, tha Ursula von der Leyen në një intervistë me gazetën financiare Franceze. Ajo do të nisë të Mërkurën.
“Deri tani, dhe paralelisht me përpjekjet e bëra për vaksinat aktuale, ne duhet të ndihmojmë kompanitë industriale të zhvillojnë kapacitete prodhuese për vaksinat e gjeneratës së dytë,” u citua von der Leyen të thoshte.
Von der Leyen javën e kaluar pranoi dështimet në miratimin e BE-së dhe shpërndarjen e vaksinave kundër COVID-19 dhe tha se blloku kishte mësuar mësime në këtë proces pas kritikave për ngadalësimin e vaksinave.
