Tre Zelandezë, përfshirë një grua që pretendohet të jetë anëtare e Shtetit Islamik, janë kapur në përpjekje për të hyrë ilegalisht në Turqi nga Siria, thanë të hënën autoritetet turke.
Shtetasit e Zelandës së Re u kapën nga rojet kufitare në rrethin Reyhanlı në provincën jugore të Hatay, në kufi me Sirinë e shkatërruar nga lufta, tha Ministria e Mbrojtjes Kombëtare e Turqisë në llogarinë e saj zyrtare në Twitter.
“Tre shtetas të Zelandës së Re që përpiqeshin të hynin në vendin tonë ilegalisht nga Siria u kapën nga rojet tona të kufirit,” tha ajo në një cicërimë.
Një grua 26-vjeçare me emrin ‘S.A.’ e cila ishte midis atyre që u kapën “u identifikua si një terrorist DAESH (Shteti Islamik) i kërkuar me një notice njoftim blu’ ”, thuhet në cicërimë.
Një njoftim blu i Interpol lëshohet për të mbledhur informacione shtesë në lidhje me identitetin, vendndodhjen ose aktivitetet e një personi në lidhje me një krim.
Ministria e jashtme e Zelandës së Re konfirmoi se ishte në dijeni të çështjes por nuk ofroi detaje të mëtejshme mbi këtë çështje.
