Një ditë më parë ministrja e Infrastrukturës, Belinda Balluku, u mundua të bindë opinionin publik, se qeveria dhe çdo strukturë e saj, janë në gadishmëri për të përballuar situatën e krijuar si pasojë të reshjeve të dëborës dhe temperaturave të ulëta, që kanë krijuar akull në rrugë.
E gjithë kjo situatë ka bërë që disa qindra qytetarë të vijojnë të mbetet e bllokuar që prej pasdites së djeshme në pikën e kalimit kufitar të Qafë Thanës dhe të kalojnë natën në mes të të ftohtit, me temperatura -12 gradë celciues, duke fjetur në makina apo autobus.
Nga raportimet mësohet se disa borëpastrueseve gjatë natës kanë bërë të mundur që rruga të mund të jetë e qarkullueshme vetëm për mjetet e larta 4×4, ndërkohë që shumë qytetarë të tjerë janë kthyer pas dhe kanë kaluar kufirin përmes Tushemishtit.
Kjo tregon se ajo çka transmetohet nga ministrja Balluku apo të tjerë zyrtarë të Rilindjes është thjesht një show dhe propogandë, pasi në të vërtetë qytetarët janë lënë në mëshirën e fatit, pa një zgjidhje.
