Mediat në Kosovë kanë bërë të ditur se kreu i LDK-së, Isa Mustafa ka dhënë dorëheqjen nga ky post. Mësohet se largimi nga posti drejtues i LDK ka ardhur pas rezultatit jo të mirë në zgjedhjet e 14 shkurtit.
Mediat e Kosovës njoftojnë se Lutfi Haziri ose Kujtim Shala pritet të jenë pasardhës të tij në pozitën e kryetarit, derisa të organizohen zgjedhjet.
Partia e Mustafës ka shënuar humbjen më të thellë në historinë e saj në zgjedhje. LDK nuk ka fituar në asnjë komunë ndërsa ka humbur thellë edhe në komunat ku udhëheqin zyrtarë të këtij subjekti politik.
Kur janë numëruar 99.23% të votave, LDK-ja renditet në vendin e tretë me 102 mijë e 959 vota apo 13,08%.
