Zonat e thella malore në Qarkun e Dibrës po përballen me një acar të vërtetë prej 3 ditësh. Në Lurë e Kala të Dodës banorët janë të izoluar totalisht.
Në fshatin Pleshtan të Kalasë së Dodës banorët apelojnë për ndërhyrje, pasi po ju mbaron baza ushqimore.
Një banorë i zonës, Dali Gjorllaku thotë për Faxnews se trashësia e borës atje është mbi 1 metër ndërsa baza ushqimore është mbaruar.
Daliu ndodhet i izoluar bashkë me 200 krerë bagëti larg banesës tek stalla, ndërsa shprehet se e ka të pamundur të sigurojë edhe ushqim për ta. Po ashtu, në këtë fshat prej 3 ditësh mungon energjia elektrike.
Më herët ARRSH bëri një përditësim mbi kalueshmërinë e akseve rrugore kombëtare, ku në aksin Qafë Thanë dhjetra qytetarë janë detyruar që të kalojnë natën në temperature nën zero.
Ndërsa situatë e vëshitrë paraqitet dhe në Lezhë e Mirditë ku qytetarët ndodhen pa energji elektrike dhe nën ‘pushtimin’ e borës dhe ngricës. Trashësia e borës në këtë zonë arrin deri në 40 cm.
