Kreu i PD, Lulzim Basha, në një prononcim për mediat deklaroi sërish se kryeministri Edi Rama do të largohet me votë në 25 prill.
Ai tha se shqitarët do ta ndëshkojnë për premtimet e pambajtura. Sipas Bashës një kryeministër që nuk mban asnjë premtim nuk ka asnjë të drejtë morale për të kërkuar një mandat tjetër.
‘Dje ju listova vetëm 9 premtime të Ramës kur ai ju kërkoi votën shqiptarëve, si shëndetësi falas, heqje tvsh e shumë të tjera. Por janë qindra premtime që Rama ka bërë dhe nuk i ka mbajtur. Dje vetëm ju kujtova një pjesë të vogël të këtyre premtimeve. Një kryeminsitër që nuk i mban premtimet nuk ka të drejtë morale të kërkojë një mandat tjetër. Ai jo vetëm që nuk ka kërkuar falje, por tani po vjen me të tjera premtime boshe vetëm propagandë vetëm dështime. Shqipëria ka ngecur në vend numëro, shqiptarët sot janë më të varfër se më përpara, papunësia është rritur. Përgjegjësi i vetëm për këtë gjendja është Edi rama. Tani do na sjellë premtime vetëm dy muaj para se shqiptarët ta ndëshkojnë më 25 Prill. Pra në 25 Prill Shqipëria fiton dhe Rama humbet’, tha Basha.
Ndërkohë kreu i PD ka uruar sërish Vjosa Osmanin dhe kreun e VV, Albin Kurti, për fitoren e zgjedhjeve në Kosovë. Ai tha se PD sot në opozitë dhe pas 25 Prillit në pushtet do të bashkëpunojë fort me Kosovën për të përmirësuar jetën e shqiptarëve në të dy vendet.
‘Dua të uroj Vjosa Osmanin. VV për fitoren në Kosovë, të gjitha forcat që kryen një proces shëmbullor për Shqipërinë dhe Ballknin. Kosovën e presin sfida të mëdha, ndaj uroj Kurtin, Vjosa Osmanin por dhe partitë e tjera që të bëjnë gjithccka për përmbushjen e pritshmërive të qyttearëve, në mënyrë që Kosova të vijojë rrugën e pandalshme në drejtim. I garantoj se sot por dhe pas zgjedhjeve të 25 Prillit unë dhe PD do të jemi në krah të tyre për të bashkëpunuar ngushtësisht për dy vendet tona’, deklaroi Basha.
