Kryeministri Edi Rama ka postuar një video në rrjetet sociale, me pamje nga Kryeqyteti i cili është zbardhur nga dëbora.
Krahas videos së postuar me pamjet magjepsëse nga Tirana në borë, kryeministri shkruan se ky Shën Valentin është i rrallë.
Në fakt Kryeministri sot duhej të jepte sqarime sepse strukturat shtetërore u kapën të papërgatitura dhe shumë prej akseve rrugore u bllokuan për shkak të reshjeve të borës dhe ngricave. Shumëprej fshatrave në veri dhe juglindje të vendit janë të bllokuara dhe kanë mungesë të energjisë elektrike.
Ditë më parë ishte njoftuar përkeqësimi i motit, çka do të thotë se strukturat përkatëse të mirëmbajtjes të rrugëve, policia dhe ushtria, si dhe kompanitë private që marrin paratë e taksapaguesve për pastrimin e akseve rrugore, duhej të kishin marrë çdo masë për të shmangur bllokimet, aksidentet dhe incidentet. Por edhe dje kur raportohej se me dhjetra qytetarë kishin mbetur të bllokuar në autobusë apo makinat e tyre private, ministrja Belinda Balluku jepte shfaqje mbi një borëpastruese, ndërsa Rama dukej se e kishte mendjen te San Valentino.
