Një banor i fshatit Osnat në Pogradec, përmes një videoje, kërkon ndihmë për zhbllokimin e rrugëve, pasi dëbora ka arritur deri në 1 metër e gjysmë.
Siç shihet dhe nga pamjet banorët kanë dalë për zhbllokimin e rrugës, gjë që ka qenë e pamundur. pasi bora vijon që të bjerë ende.
Banori shprehet se ka mbetur pa bukë dhe pa ilaçe, ndërkohë që i bën thirrje kryeministrit Edi Rama për ndihmë.
“Të nderuar teleshikues të Fax News, ne ndodhemi në fshatin Osnat në rrethin e Pogradecit, sot bora ka bllokuar gjithçka, nuk kemi as bukë as rrugë. Dolëm të gjithë si fshat të hapnim rrugën, por nuk mundëm pasi bora ka shkuar deri në një metër e gjysmë dhe bie akoma.
Kemi mbetur pa bukë, pa ilaçe, i bëjmë thirrje Edi Ramës që jep fonde nëpër bashki, tia shpërndajnë emergjencave. Siç mund ta shikoni bora ka shkuar në një metër e gjysmë dhe i bëjmë thirrje qeverisë për ndihmë”, shprehet qytetari në video.
