Kryeministri Edi Rama i është përgjigjur kreut demokrat Lulzim Basha, i cili e akuzoi se në këto tetë vite ka bërë vetëm propagandë ndërkohë që qytetarët vijojnë të jenë në çadra. Basha numëroi sot 9 dështimet më të mëdha të Ramës, ku përfshihen premtimet e pambajtura.
“Lulëzim! Se çfarë bëra unë pas tërmetit, qytetarët e dinë. Se çfarë bëri e po bën kjo qeveri për përballimin e pandemisë edhe këtë e dinë. E mbajnë mend edhe ç’bëhej deri dje me përmbytjet kur mijëra njerëz linin shtëpitë e me dëborën kur rrugët bëheshin pista skish për makina!.
Politika me fatkeqësitë është si ajo makina që ngec në rrugë se s’ka zinxhirë për rrotat në rast dëbore dhe s’ka qytetar normal, sado i pakënaqur me qeverinë, që të bëhet rrotë me zinxhir si Andi Bushati, për të të besuar ty rrugën e të ardhmes së Shqipërisë për inat të qeverisë!”, shkruan Rama.
