Reshjet e borës që kanë nisur sot në mesditë në Lezhë kanë vështirësuar qarkullimin. Bashkia ka bërë thirrje në rrjetet sociale që të bëhet kujdes në qarkullim.
“Duke kerkuar mirkuptimin tuaj, nisur nga situata e krijuar nga reshjet e dëbores, qytetarët të evitojnë lëvizjet me mjete ose lëvizjet të bëhen me mjete me zinxhirë deri në normalizimin e situatës. Po bëhen ndërhyrje në akset problematike për normalizimin e situatës”, thuhet në njoftimin e Bashkisë.
Rrugët që duhet të evitohen ose lëvizja duhet të bëhet me zinxhirë në rrugën Kallmet – Ungrej, në rrugën e lagjes së spitalit, kurse për banorët e Kallmetit sugjerohet lëvizja nga aksi autostradë – Kallmet dhe evitimi i rrugës së vjetër Lezhë – Kallmet.
