Do të luhet duke filluar nga ora 14:00 ndeshja Kastriotit dhe Partizanit në stadiumin e Kamzës, e vlefshme për javën e 19-të për Kategorinë Superiore.
Të kuqtë e Ilir Dajës do të kërkojnë me çdo kusht fitoren, për t’u afruar me kreun e renditjes, që është edhe objektiv i skuadrës dhe të shpresojnë të përfitojnë nga një ndalesë e mundshme e Vllaznisë, që pret sot në Shkodër skuadrën e Apolonisë.
Të dyja skuadrat janë përballur dy herë këtë sezon me s tyre, teksa kanë nga një fitore, fillimisht krutanët triumfuan në ndeshjen e parë të kampionatit me rezultatin 1-0, ndërsa në ndeshjen e fazës së dytë, “demat” fituan 2-1.
Formacionet zyrtare:
Kastrioti: Hidi, Neziri, Zhivanaj, Çela, Rami, Nuriu, Mehmeti, Moraes, Bardhi, Rezi, Devid.
Partizani: Hoxha, Belica, Bitri, Hakaj, Idrizaj, Mala, Murataj, Bardhi, Çinari, Kordeiro, Stenio Zhunior.
