Napoli ka mundur 1-0 Juventus-in në javën e 22-të të Serie A. Sfida e luajtur në stadiumin “Diego Armando Maradona” është vendosur në minutën e 31-të me një penallti të Lorenzo Insigne-s.
Një mallkim i thyer për yllin e Axurrëve, i cili kishte gabuar tri penallti radhazi kundër bardhezinjve. Ky ka qenë edhe goli i tij numër 100 për Napoli-n në të gjitha kompeticionet.
Një penallti e shkaktuar nga Chiellini për një faull ndaj Rrahmanit në zonën e rreptësisë. Kjo fitore e ka ndihmuar ekipin e Gattuso-s të ngjitet në vendin e katërt me 40 pikë, vetëm dy larg Juventus-it të vendit të tretë.
Bardhezinjve mund t’u kushtojë shumë humbja e sotme nëse Inter dhe Milan do të fitojnë ndeshjet respektive kundër Spezia-s dhe Lazio-s.
