Këshilltari gjerman, Martin Henze, i cili ka mbajtur shpeshherë një qëndrim kritik ndaj diplomatëve të BE dhe SHBA të akredituar në Tiranë, ka thumbuar përmes një postimi Ambasadoren Yuri Kim, lidhur me qëndrimin që ajo ka mbajtur sa i takon regjistrimit në KQZ të Tom Doshit, të cilin Departamenti Amerikan i Shtetit e ka shpallur “non grata”.
“Ambasadorë, kriminelët që luajnë ping pong me ju. Një tjetër turp i Ambasadës Amerikane në Tiranë. Ka ardhur koha që të mbani një qëndrim të qartë. Ju i keni dosje për Ramën, Veliajn, Ballën dhe Doshin”, shkruan Henze.
1/1:Ambassadors ,criminals playing ping pong with you, another embarrassment of the US Embassy in Tirana. It is time for them to take a clear stand. They have all the dossiers on Rama, Veliaj, Balla, Doshit. https://t.co/COSo6DRuFD
— Martin Henze (@GSKStrategy) February 12, 2021
Reagimi i Martin Henze vjen në një kohë kur nga ambasadorja amerikane Yuri Kim iu drejtua apel disa herë drejtuesve të partive politike që në listat e kandidatëve për deputet të mos përfshijnë emra, që janë subjekt i ligjit të dekriminalizimit, apo të korruptuar. Më pas, Kim përmendi me emër deputetin Tom Doshi, emri i të cilit ndodhet në listën e zezë të Departamentit të Shtetit, dhe u shpreh se gjatë një takimi që kishte pasur me Kryeministrin Edi Rama, ai e kishte garantuar se Doshi, aktualisht kryetar i PSD, nuk do të kishte asnjë rol në qeverinë e tij, nëse PS merrte mandatin e 3-të për të qeverisur vendin në zgjedhjet e 25 prillit.
