Bashkia e Shkodrës njoftoi sot në mëngjes se gjatë natës ka pasur rritje të nivelit të ujërave në territorin e Shkodrës.
Kjo për shkak të baticës dhe prurjeve nga të gjithë lumenjtë dhe liqeni në të gjithë zonën e nënShkodrës së përmbytur, konkretisht në njësitë Ana e Malit, Dajç, Bërdicë, Velipojë dhe rrethinat.
Sot në orën 7.30 hidrometri shënon 7m ne Dajç – Dje Hidrometri në Dajç në orën 14.30, shënonte kuotën 6.96 m.
Sot në orën 7.30 hidrometri në liqen shënon 9.35 – Dje Liqeni të Shkodrës në orën 14.30, shënonte kuotën 9.22 m.
Sot në orën 7.30 hidrometri në Drin shënon 7.35 – Dje Hidrometri i lumit Drin në orën 14.30, shënonte kuotën 7.50 m.
