Nga Boldnews.al
Kryeministri Edi Rama shfaqet çdo ditë në gjezdisjet nëpër Shqipëri, kryesisht i shoqëruar nga ministrat Arben Ahmetaj dhe Belinda Balluku, në ndonjë kantier të zbrazët, ku duket shfaqen ekskavator sa të mbarojë xhirimet kreu i qeverisë dhe më pas pushojnë së punuari. Gjithashtu edhe zyrtarët e tjerë, drejtuesit politik në qarqe janë aktiv në takime të cilat i publikojnë në rrjetet sociale. Deri në këtë pikë gjithçka duket në rregull, por fushatën e vërtetë nuk e bën as Rama, as ministrat, e aq më pak drejtuesit politik të qarqeve.
Makineria e frikshme e fushatës janë pjesa e botës së krimit dhe zyrtarët lokal që janë majmur me paratë e korrupsionit. Ata janë të “padukshmit” që nuk reklamojnë takime në rrjetet sociale, e aq më pak të shfaqen në kamera. Ata bredhin në çdo cep të vendit duke blerë varfërinë, ushtruar presionin dhe mbajtur nën tutelë votuesit, kryesisht në zonat rurale dhe qytetet të vogla.
Premtojnë, bëjnë “ndere”, punësojnë në kohë fushatash, madje duke kapur për fyti edhe sektorin privat, i cili është i detyruar që të shtojë punëtorët sepse ua kërkon Rilindja. Influenca e individëve të ndryshëm të ardhur nga bota e krimit dhe që kanë ngritur krye pikërisht nga livadhisja mes trafikut të drogës dhe mburoja nga pushteti, tashmë kanë periudhën që një pjesë që kanë atë që kanë “korrur” në tetë vite ta shpërndajnë për pushtetin që i mbajti dhe promovoi si vlera.
Duhet të ishin në qeli, posr sot hiqen si biznesmenë, duke i pastruar paratë e krimit po brenda oazit të pushtetit, kryesisht në fushën e ndërtimit që ka lulëzuar frikshëm në Tiranë.
Përveç tyre, në fushatë po përfshihen ethshëm edhe drejtorë të ndryshëm, apo individë të cilët nën petkun e zyrtarit, janë nginjun nga korrupsioni dhe tashmë për të mbajtur në vijim këtë qeverisje, po hedhin para për të siguruar vota. Metodat janë gati standard dhe Rilindja nuk ka arsye se përse të ndryshojë strategji, duke ndjekur të njëjtën taktikë si në zgjedhjet e vitit 2017.
Takojnë persona në bazë fisesh dhe me bllok në duar sigurojnë vota, duke e përkthyer gjithçka o në vlera monetare, ose në benefite të tjera, duke përdorur paranë publike në sigurimin e votave. Gjithashtu presioni i vazhdueshëm që i bëhet punonjësve të administratës, veçanërisht në sektorin e arsimit, shëndetësisë apo deri në radhët e policisë së shtetit është mesë i dukshëm.
Nëpunësve ka disa javë që u janë kërkuar kartat e identitetit dhe në disa raste haptas, apo në mënyrë më të kamufluar u është bërë e qartë se vota për PS-në është “karta” e vetme që ata të mbesin në punë, për të mos u trasferuar apo edhe shkarkuar nga puna, duke përdorur metodën e vjetër të presionit.
Lugunia e frikshme e fushatistëvr të zinj të Rilindjes ka kohë që është në terren. Duan vijimësinë dhe atë Shqipëri e cila nën duhmën e rëndë të kanabisit dhe të tonelatave të kokainës së Amerikës Latine kërkojnë me çdo mënyrë të sigurojnë edhe një mandate të tretë për Ramën. Ojesa tjetër e qytetarëve janë thjsht statistikë që duke shfrytëzuar varfërinë dhe mungesën e shpresës po u kërkojnë votën në çdo formë, që nga joshja deri tek presioni.
